Skatteliste

Einn hlutur tíðkast hér í Noregi sem mér finnst bara af hinu góða en kapítalismar eru á móti en það er birting skatttekna og eigna hjá öllum íbúum landsins. Er þetta opið allt árið um kring á vel flestum vefsíðum í Noregi.

Fletti mér að gamni upp og tók afrit af þeim upplýsingum sem þá birtust. Er þetta sett upp á marga vegu en einnig hægt að gera ýmsan samanburð innan póstnúmers er jafnaldra á sama svæði.

Samkvæmt þessu yfirliti þénaði ég 257723 krónum minna eða rétt rúmum 5 milljónum íslenskra en nágrannar mínir í Ás á síðasta ári og átti um 349728 krónum minni eignir eða um 7 milljónum íslenskra króna. Þó kom ég ekki fyrr en í september 2009 til Noregs.

Og þessar tölur sýna svart á hvítu að það er ekki tekið út með sældinni að vera námsmaður í Noregi, eða hvað?

Athugasemdir

[Eyjólfur Sturlaugsson, 16.11.2010 kl. 10:15]

Þetta eru furðu miklar upplýsingar.  Hvar eru allir kapitalistarnir í Noregi eiginlega ?

[Eyjólfur Ingvi Bjarnason, 16.11.2010 kl. 10:39]

Vissulega eru þetta miklar upplýsingar en ég held að þetta sé aðalástæðan þess að launajafnrétti er eins og þar er hér í landi. Menn fylgjast vel með nágrannanum.

Síðan hafa nú Norðmenn meiri trú á Stoltenbergfjölskyldunni en  kapítalistunum, allavega verð ég lítið var við þá í umræðunni.